மட்டன் கோஃப்தா பிரியாணி | Mutton Kofta Biryani Recipe in Tamil
Description :
We also produce these videos on English for everyone to understand
Please check the link and subscribe
மட்டன் கோஃப்தா பிரியாணி | Kofta Biryani in Tamil
தேவையான பொருட்கள்
கோஃப்தா உருண்டைகள் தயாரிக்க
மட்டன் கீமா – 1/2 கிலோ
இஞ்சி பூண்டு பேஸ்ட் – 1 தேக்கரண்டி
மஞ்சள் தூள் – 1/2 தேக்கரண்டி
மிளகாய் தூள் – 1 தேக்கரண்டி
மல்லி தூள் – 1 தேக்கரண்டி
உப்பு
கரம் மசாலா – 1/2 தேக்கரண்டி
வெங்காயம் – 1
பச்சை மிளகாய் -2
கொத்துமல்லி தழை
புதினா இலைகள்
கடலை மாவு – 4 தேக்கரண்டி
அரிசியை வேகவைக்க
பாஸ்மதி அரிசி – 250 மிலி
இலவங்கப்பட்டை
கிராம்பு
பிரியாணி இலை அன்னாசி பூ
ஏலக்காய்
ஜாவிதிரி
உப்பு
மட்டன் கோஃப்தா பிரியாணி தயாரிக்க
நெய் – 2 மேசைக்கரண்டி
இலவங்கப்பட்டை, கிராம்பு, ஏலக்காய் & பிரியாணி இலை
வெங்காயம் – 3
பச்சை மிளகாய் – 2
இஞ்சி பூண்டு பேஸ்ட் – 1 தேக்கரண்டி
தக்காளி – 3
உப்பு
மஞ்சள் தூள் – 1/4 தேக்கரண்டி
காஷ்மீரி சில்லி பவுடர் – 2 தேக்கரண்டி
கரம் மசாலா – 1/2 தேக்கரண்டி
புதினா இலைகள்
கொத்துமல்லி தழை
தயிர் – 1 கப்
குங்குமப்பூ பால்
#மட்டன்கோஃப்தாபிரியாணி #muttonkoftabiryani #koftabriyani
செய்முறை
கோஃப்தா உருண்டைகள் தயாரிக்க
1. ஒரு கிண்ணத்தில் மட்டன் கொத்துக்கறி எடுத்துக்கொண்டு அதனுடன் இஞ்சி பூண்டு விழுது, மஞ்சள் தூள், மிளகாய் தூள், மல்லித்தூள், கரம் மசாலா தூள், பொடியாக நறுக்கிய சிறிய வெங்காயம், பொடியாக நறுக்கிய பச்சை மிளகாய், பொடியாக நறுக்கிய கொத்தமல்லி இலை, பொடியாக நறுக்கிய புதினா இலை சேர்த்து நன்கு பிசைந்து வைத்து ஒரு மணி நேரம் மூடிவைக்கவும்
2. பிசைந்து வைத்த கொத்துக்கறி கலவையை மிக்ஸில் சேர்த்து அரைத்துக்கொள்ளவும்
3. அரைத்து வைத்த கொத்துக்கறியுடன் கடலை மாவு சேர்த்து நன்கு பிசைந்து சிறிய உருண்டைகளாக உருட்டிக்கொள்ளவும்
4. உருட்டி வைத்த உருண்டைகளை ஒரு கடாயில் எண்ணெய் சேர்த்து பொன்னிறமாக பொறித்துக்கொள்ளவும்
அரிசியை வேகவைக்க
1. ஒரு பாத்திரத்தில் தண்ணீர் ஊற்றி சூடேற்றிய பிறகு முப்பது நிமிடம் ஊறவைத்த பாசுமதி அரிசியை சேர்த்து அதனுடன் பட்டை, கிராம்பு, பிரியாணி இலை, அன்னாசி பூ, ஏலக்காய், ஜாவிதிரி, தேவையான அளவு உப்பு சேர்த்து அரிசியை வேகவைக்கவும்
மட்டன் கோஃப்தா பிரியாணி தயாரிக்க
1.ஒரு கடாயில் நெய் சேர்த்து அதனுடன் இலவங்கப்பட்டை, கிராம்பு, ஏலக்காய், பிரியாணி இலை, பொடியாக நறுக்கிய பெரிய வெங்காயம் சேர்த்து நிறம் மாறும் வரை வதக்கவும்
2. வெங்காயம் பொன்னிறமானவுடன் அதனுடன் இஞ்சி பூண்டு விழுது, பொடியாக நறுக்கிய தக்காளி, தேவையான அளவு உப்பு, மஞ்சள் தூள், காஷ்மீரி மிளகாய் தூள், கரம் மசாலா தூள், கொத்தமல்லி இலை, புதினா இலை மற்றும் தயிர் சேர்த்து நன்கு வதக்கிக்கொள்ளவும்
3. இந்த கலவையில் பொரித்து வைத்த கோஃப்தா உருண்டைகள் சேர்த்து நன்கு கலக்கவும்
4. இந்த கலவையில் வேகவைத்த பாசுமதி அரிசியை பரப்பி வைக்கவும் 5. அதன் மேல் குங்குமப்பூ பால் மற்றும் நெய்யை அதன் மேல் பரப்பி அதை பதினைந்து நிமிடத்திற்கு வேகவைக்கவும்
6. பதினைந்து நிமிடத்திற்கு பிறகு சூடான மற்றும் சுவையான மட்டன் கோஃப்தா பிரியாணி தயார்
Rated 4.89
| Date Published | 2019-05-25 07:30:03Z |
| Likes | 545 |
| Views | 24634 |
| Duration | 0:05:30 |
